I forslag til statsbudsjett 2026 er det lagt inn ei auke for å sikre tryggare mobildekning. Fjellnettverket meiner investeringane i mobilkommunikasjon bør styrkast meir. 

Det er Kapittel 1543, post 70 som finansierer Nkoms program for forsterket ekom, som har som mål å sikre mobilkommunikasjon ved bortfall av straum. Programmet omfattar tiltak som nødstraum til basestasjonar, reserveforbindelsar og krisepunkt i kommunane. Ifølgje oversikt frå Nkom er det per i dag 102 kommunar som har fått utbygging gjennom programmet, men mange kommunar står framleis utan slik infrastruktur. 

Felles for fjellkommunane er krevjande geografi, sårbar infrastruktur og lange avstandar til kritiske tenester. Ekstremver, straumbrot og manglande mobildekning kan få alvorlege konsekvensar for innbyggjarar og tilreisande.

Dei siste åra har fleire stader i fjellområda opplevd ekstremvêr og katastrofar. Fjellkommunane har eit stort innslag av fritidsbustader og høg turistaktivitet, noko som aukar behovet for stabil mobildekning og beredskap.

Fjellnettverket foreslår:

• Ei styrking av kap. 1543 post 70 for å auke utbyggingstakta og sikre nødstraum og reserveforbindelsar i fleire fjellkommunar