Peter Mydske/Stortinget

I forslag til statsbudsjettet for 2026, kapittel 553 Regional- og distriktsutvikling, post 60, ligg det to ordningar: Tilskot til utdanning gjennom studiesenter og Tilskot til mobilisering til utdanning og kompetanseheving. 

Det er positivt at tilskotet til studiesenter i distrikta blir styrka, då dette gir fleire moglegheiter for desentralisert utdanning og kompetanseheving og bidreg til å møte lokale behov for arbeidskraft. Samstundes er det foreslått å avvikle ordninga for mobilisering til utdanning og kompetanseheving – eit tiltak som har vore viktig for å inkludere personar utanfor arbeidslivet og styrke regionalt samarbeid. Det er positivt at tilskot til utdanning gjennom studiesenter i distrikta er styrka. Dette gir fleire moglegheiter for desentralisert utdanning og kompetanseheving, og bidreg til å møte lokale behov for arbeidskraft. Samstundes er det foreslått å avvikle Tilskot til mobilisering til utdanning og kompetanseheving.

Denne ordninga har vore forvalta av fylkeskommunane, og rapporteringa viser at midlane i hovudsak har gått til tiltak retta mot personar som står utanfor arbeidslivet. Eit godt eksempel er Trøndelag fylkeskommune, som har nytta støtta til å utvikle integreringstiltak og gi unge vaksne kompetanse som kvalifiserer dei for arbeid.

I tillegg har ordninga bidrege til å styrke regional koordinering og samarbeid mellom lokale aktørar. I Trøndelag er det etablert møteplassar og samarbeidsarenaer mellom NAV, næringslivet, vidaregåande skular, høgare yrkesfagleg utdanning, universiteta opplæringskontor og kommunar – med mål om å mobilisere fleire til utdanning og kompetanseutvikling.

Utanforskap blant unge er ei alvorleg samfunnsutfordring.
Ifølgje regjeringa står om lag 100 000 unge utanfor arbeid og utdanning. Dette har store konsekvensar – både for den enkelte og for samfunnet som heilskap – i form av tapt verdiskaping, svekka livskvalitet og auka offentlege kostnader. Utfordringane er særleg store i distrikta, der tilgangen til utdanning, arbeid og støtteapparat er meir avgrensa. Dette understrekar behovet for målretta tiltak som mobiliserer unge til kompetanseutvikling og deltaking i arbeidslivet.

Fjellnettverket ber Stortinget om å reversere kutta i tiltaket Utdanning og kompetanse i distrikt. Tiltaket er investeringar i framtidig verdiskaping.