Fylkestinget  i Trøndelag har vedteke å melde seg inn i Fjellnettverket frå januar 2019. I vedtaket frå fylkestinget heiter det: «Samarbeidet gjennom Fjellnettverket vil være en viktig del av fylkeskommunens samfunnsutviklerrolle for å utvikle innlandet».

Trøndelag er eit stort og mangfaldig  fylke som strekker seg frå fjord til fjell, og har store areal i både i innlandet og i fjellområda. I Trøndelag er det totalt 11 fjellkommunar eller tilliggjande fjellkommunar:  Røyrvik, Lierne, Meråker, Tydal, Holtålen, Røros, Rennebu, Oppdal, Midtre Gauldal, Selbu og Rindal (frå 2020).

-        Gjennom nettverket har medlemmene ein felles arena for å utvikle og påverke politikk som er viktige for å oppretthalde busetting og næringsverksemd i fjellområda. Fjellnettverket skal vere ein sterk pådrivar for ein politikk som sikrar gode livsvilkår og utvikling i fjellbygdene, seier dagleg leiar i Fjellnettverket, Kari Randen.

Fjellnettverket har i januar 2019 fem fylkeskommunar, sju regionråd og fleire fjellkommunar som medlemmer.