Emile Holba

Webinaret samla deltakarar frå heile landet som ønskte konkrete råd og inspirasjon til korleis dei kan utvikle eigen marknad og styrke økonomien gjennom betre sal.

Praktiske erfaringar frå produsentar og reiseliv

Gjennom innslag frå både lokalmatprodusentar og restaurantbransejen fekk deltakarane eit breitt bilete av koles sal kan fungere i ulike driftsmodellar. 

Gardsbutikk og lokalt utsal på Tørresvangen gard

Marianne Rønning og Vidar Nybu Privat

Marianne Rønning og Vidar Nybu, som driv Tørresvangen gard mellom Tynset og Kvikne, delte erfaringar frå gardsysteriet og utsalet dei har etablert i det gamle stabburet. Marianne snakka om kva som har vore suksessfaktorar for å skape ein berekraftig gardsbutikk – frå produktutval og kundekontakt til drift og synleggjering.

Marknadshage og utsalskanalar i praksis

Sigurd Vassenden Privat

Sigurd Vassenden frå Grønt frå Grindal i Rennebu fortalte om salsstrategiane til ein marknadshage på 6–8 dekar. Han delte innsikt i kva kanalar som fungerer best for grønsaksproduksjon – alt frå direkte kundesal til samarbeid, medlemsordningar og marknader.

Felles salsplattform i Uvdal

Gro Rudi Privat

Gro Rudi, som representerer Uvdalsbonden, presenterte ei anna tilnærming: eit samarbeid mellom fleire fjellbønder i Buskerud som ønskjer å gjere det enklare for kundar å kjøpe råvarer direkte frå produsentane. Ho viste korleis dei jobbar med ulike salskanalar for å løfte fram både råvarene og opplevingane i Uvdal.

Hotellperspektiviet - kva ser kokkane etter? 

John Erik Aaby Privat

John Erik Aaby, kjøkkensjef ved Vestlia Resort på Geilo, tok deltakarane inn i restaurantverda. Han forklarte korleis ein stor aktør jobbar for å finne, velje og bruke lokalmat i menyane sine. Han delte konkrete tips om korleis produsentar kan bli meir synlege og relevante for restaurantbransjen.

Eit webinar med nyttige råd og ny inspirasjon

Webinaret gav eit bredt spekter av erfaringar – frå foredling og gardsbutikk til storskala hotellkjøkken – og deltakarane fekk høve til å stille spørsmål undervegs. Det kom fleire gode diskusjonar om alt frå prissetjing og marknadsføring til koordinering mellom produsentar og sal mot reiselivsnæringa.
Deltakarane var samde om at webinaret gav nyttige perspektiv og inspirasjon til vidare arbeid med sal av lokalmat.