Kari Randen

Fjellnettverket har sendt følgande innspel til NOU 2024: 10 Ny motorferdsellov 

Fjellnettverket er eit politisk nettverk for kommunar, regionråd og fylkeskommunar i Sør-Noreg. Vi arbeider for å sette viktige tema for fjellområda på dagsorden og for å skape livskraftige bygder. Fjellområda dekker omlag halvparten av arealet i Noreg og vi forvaltar store område både for innbyggjarar og tilreisande. Det er over 100 fjellkommunar i Noreg og vi forvaltar store område som loven er gjeldande for. 

Fjellnettverket støttar prinsippet om at det avgjerder knytt til motorferdsel bør skje lokalt. Balansen mellom næringsliv, natur og lokalbefolkning skjer best når forvaltinga skjer lokalt. 

Fjellnettverket vil kommentere punkt 20.3.4.3, der det står: "Utvalget har også vurdert om adgangen til persontransport som enkelte destinasjoner i dag har etter forskrift om bruk av beltebil, bør videreføres. Dette utgjør et begrenset antall tillatelser og er tilbud som har lange tradisjoner. Vi vurderer imidlertid at det prinsipielt er uheldig å gi individuelle særrettigheter i et nasjonalt regelverk, og at en slik adgang også kan virke konkurransevridende. Vi foreslår derfor ikke å videreføre adgangen til persontransport som i dag er tillatt etter forskrift om bruk av beltebil."

Fjellnettverket meiner at forslaget om å avskaffe tilgangen til persontransport med beltebil vil slå negativt ut for fjellområda og spesielt reiselivsnæringa i fjellet. 1) Beltebil i fjellet er ein del av historia og kulturhistoria i fjellområda fleire stader. Beltebilane har lenge vore ein viktig del av kulturarven og har spelt ei sentral rolle i å sikre trygg og miljøvennleg transport i område med krevjande vinterforhold. 2) Beltebil er mellom anna på Eidsbugarden ein del av kollektivtilbodet og gjer det mogeleg for besøkande og tilreisande å bruke beltebil som transport for å oppleve friluftslivet i fjellet. 3) Bruk av beltebil er ei sentral del av drifta til nokon få, men viktige reiselivsaktørar i fjellet. Fjellnettverket fryktar at ei slik endring kan ha negative konsekvensar for reiselivsnæringa, som er avhengig av denne transportforma. Det vil òg kunne få negative konsekvensar for miljøet då alternativet med vinterbrøyta veg vil vere meir belastande for naturen.