Kvifor har du flytta frå sentrale strøk til ein fjellkommune? Dette er hovedspørsmålet i forskningsprosjektet «Flyttemotivar, haldningar og verdiar hjå tilflytterar i fjellkommunane».  

Inntektsgapet mellom bønder og andre yrkesgrupper må tettast, meiner Fjellnettverket i innspel til jordbruksforhandlingane. Fjellnettverket meiner det er naudsynt å ha ein politikk som gir gode inntekstmogelegheiter på små og mellomstore bruk og held gardar og jord i drift. 

 12. mai er er datoen for årets viktigaste møte i Fjellnettverket, rådsmøtet. Der avgjer medlemmene kva Fjellnettverket skal arbeide med framover.   

Fjellnettverket meiner busetting, landbruk og levande lokalsamfunn i fjellområda er avgjerande for nasjonal beredskap. I høyring om Totalberedskapsmeldinga Forberedt på kriser og krig i Justiskomiteen på Stortinget løfta vi fram fjellområda si rolle i arbeidet med å sikre Noreg betre rusta for framtidige kriser.

Styreleiar i Fjellnettverket Tine Norman og styremedlem Hanne Velure er styremedlemmer i Euromontana. No har dei hatt sitt første ordinære styremøte og Tine Normann presenterte Fjellnettverket sitt arbeid om tilflytting frå sentrale strøk til fjellområda og ba om innspel og samarbeidspartar. 

Produserer du eigne produkt men lurar på korleis du skal nå ut til kundane? Har du drive produksjon ei stund, men synest det er vanskeleg å finne den beste måten selje varene dine på eller er du nysgjerrig på korleis hotell og restaurantbransjen jobbar når dei skal finne lokale produkt? 

Prosjektet "Mat og opplevingar i fjellet" nærmar seg avslutning og Fjellnettverket inviterte til ei inspirerande erfaringsutveksling. Deltakarane fekk djuptgåande innsikt i dei mange aktivitetane og resultata frå prosjektet, delte erfaringar og kom med verdifulle innspel til vidare aktivitetar. 

Styret i Fjellnettverket kritisk til forslaget om å avskaffe bruk av beltebil i forslag til ny motorferdsellov.  Fjellnettverket meiner at forslaget om å avskaffe tilgangen til persontransport med beltebil vil slå negativt ut for fjellområda og spesielt reiselivsnæringa i fjellet. 

Vurderer du å drive produksjon av grønsaker i fjellet? Eller lurar du på korleis det er å produsere poteter 500 moh? Og kva med jordhelsa - korleis er den hos deg? Me inviterer til webinar med gode foredragshaldarar som vil gje deg inspirasjon, svar på spørsmål og gode tips til korleis du kan drive produksjon av grønsaker og potet i fjellet og kva dette med jordhelse eigentleg handlar om. Webinaret er eit samarbeid mellom Fjellnettverket og Nasjonalt senter for fjellandbruk. Bli med på møtet ved å trykke på lenka: BLI MED PÅ TEAMSMØTE

Regjeringa har kome med forslag til nye retningsliner for arealbruk og mobilitet. Fjellnettverket meiner dei gjeldande retningslinene har vore til hinder for buseting og utvikling i fjellkommunane. Det er difor heilt nødvendig og svært positivt at retningslinene differensierer mellom regionar med større byar og distriktsområde og at det er spesifisert i retningslinene at dei bidra til  utvikling av levedyktige lokalsamfunn.